رسائل

موضوع: رسائل السبت أكتوبر 10, 2009 5:48 am

ماهو جفا ياصاحبي قلة سؤالي
جعله يموت الي نوى فيكم قطيعه
وماهوتغلي يوم قللت اتصالي
في داخلي باقي معزتكم رفيعه
أمنتك الله ياخويي في وصالي
والصاحب الي مايبيعك لاتبيعه

جيتك وانا ادري بداخلك لوم وعتاب
مابيك تسأل وين حضرت جنابي
أبطيت غايب (لكن) الشوق ماغاب ؟؟؟
جتك الرسايل تعتذر عن غيابي
مهو بكيفي وللغيبة اسباب
لكن بكيفي جيت واعلنت اعتذاري

عرفت بحياتي لوعت الوقت والحرمان
وعرفت العذاب وتعبت أميز ألوانه
وجلست أذكر الماضي على قول كان وكان
غرام حفظته ياعسى صاحبي صانه
تراك بحياتي نابض القلب والشريان
[ودونك حياتي ياهوى البال خسرانه

تدري خطانا بالحياه...!
أنا زرعنا أحلامنا فوق السحاب
وقلنا متى نصبح شباب ,
ونقطف ورودأحلامنا ولأمنيات
ولما كبرنا وجينا نسأل حلمنا,
تدري وش لقينا.....؟
لقيناأجمل حلم مات..
وبعده درينا..
إن أجمل شي فينا.."الذكريات"

.. ودي اجيك من التعب ثم أضمك وتشوف أنا وشلون عايش بلياك..
.. قربك عطر ودي من البعد اشمك أخاف يبرد ما بقى لي بذكراك ..
.. ابنثرك في عروق قلبي وألمك وأحسسك بالحب في يوم لقياك ..
.. متى يزين الوقت وأكون يمك اقلها أعرف ظروفك ودنياك ..
.. يا ليتني في انفاس روحك ودمك ابقى معك وأعيش الايام وياك ..
.. يا كثر ما ني بغربتك شلت همك أنشد نجوم الليل من عقب فرقاك ..
.. عليك أخاف أكثر من أبوك و أمك والله ما تلقى مثل قلبي و أغلاك ..
.. ما أرتاح أنا من الوله لين أضمك و أعلمك وشلون حالي بلياك ..

يا سحابة أرسلي أحلى كلام
دقي بابه وابعثي مني سلام
خلي عمري يبتدي بلحظة غرام
أنت شمعة في حياتي ما تنام
من عرفتك انتحر لون الظلام
ذي سحابة فيها فزه وشجون
لا قريت أبيات الرسالة
ودي أعرف في حياتك من أكون ؟

نفسي عزيزة ما تطيق المذلة ..
أطالب الفرقى و لا أعيش منهان ..
ما ني ضعيف ولا أقوى من الله ..
من خلقني ما عشت في رحمة إنسان ..
يبقى شموخي فوق حب المذلة ..
صحيح أني أحبك والحب فتان ..
وإذا ما تحبني كلن منا له درب يدله ..
وتبقى الكرامة لي ركيزة وعنوان ..

موضوع: رد السبت أكتوبر 10, 2009 10:38 am

صح لسانك ومشكور على هذه الأبيات الجميله

موضوع: رد: رسائل السبت أكتوبر 10, 2009 1:45 pm

صح بدنك ومشكور على المرور الطيب

موضوع: رد: رسائل السبت أكتوبر 10, 2009 6:53 pm

مشكوريين

» رسائل رومانسية
» رسائل جوال (رومانسيه)
» رسائل جوال(رومانسيه)